Buscador
13/01/2016 [00:10:00] [5.73 MB]
Deficiencias da nova planificación hidrolóxica estatal
O goberno de Mariano Rajoy aproba en Consello de Ministros os novos plans hidrolóxicos que rexerán o futuro das bacías hidrográficas de competencia estatal. Estes plans afectan á bacía do Miño-Sil e Limia en Galiza. Sen embargo, o borrador presentado para ser consultado á cidadanía non convence a ningún dos colectivos que forman parte dos Consellos da Auga das demarcacións que afectan a Galiza. A Sociedade Galega de Historia Natural é un destes colectivos que se opoñen a esta planificación de futuro para os ríos galegos de competencia estatal. Coñecemos os motivos desta oposición neste espazo de Radio Cerna.
11/01/2016 [00:10:00] [5.74 MB]
O Gran Olvido e a revolución mental necesaria sobre o ambiente
A concepción sobre o medio ambiente que impera na sociedade está errada. Tan só unha revolución mental sobre a súa concepción e o noso papel como seres políticos e ecolóxicos pode salvar a nosa especie. Neste escenario, cal é a responsabilidade dos políticos? Son eles os responsables da saúde ambiental do noso Planeta? Así é como presenta o filósofo francés e catedrático en ciencias políticas, Sami Naïr, a súa análise filosófica sobre a nosa relación co medio natural. Ti tamén tes un papel neste dilema. Quérelo coñecer? Preme e escoita este espazo.
08/01/2016 [00:10:00] [5.73 MB]
Boletín informativo ambiental 08/01/16
Retomamos neste ano 2016 os informativos ambientais dos venres en Radio Cerna, nos que repasamos a actualidade galega neste eido. Coñece o que aconteceu esta semana!
04/01/2016 [00:10:00] [5.73 MB]
Consellos para un Nadal máis ecolóxico
Nestas datas de celebración tamén podemos ser ecolóxicos. Enfrontar o consumismo á que nos empuxa o Nadal e o Día de Reis pode ser doado, se temos en conta algúns consellos necesarios. ADEGA ofréceche unha lista de recomendacións no manual "Por un Nadal máis verde".
30/12/2015 [00:10:00] [5.74 MB]
Balanzo 2015 do medio ambiente galego (2)
Aquí facemos a segunda entrega do balanzo ambiental do ano 2015 en Galiza, recollido en Radio CERNA. Neste espazo facemos unha nova escolla dos acontecementos ambientais máis relevantes do ano e que foron difundidos a través destas ondas. Feliz Ano a todas as persoas que nos escoitades!
28/12/2015 [00:10:00] [5.73 MB]
Balanzo 2015 do medio ambiente galego (1)
Esta semana faremos un repaso a fondo dos temas ambientais que definiron este ano 2015 aquí en Galiza. Nesta primeira parte do percorrido anual, abordaremos cuesións como os avances na mitigación do cambio climático, a través do Cumio de París, a política forestal de Galiza e a expansión do eucalipto, a prórroga de Ence en Lourizán ou a avespa asiática, entre outros fitos ambientais de 2015. Non o perdas!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal