Buscador
13/07/2015 [00:10:00] [5.73 MB]
Estratexias para recuperar terras de cultivo abandonadas
O abandono e perda das terras de cultivo ou da superficie agraria útil en Galiza é un problema cada vez máis acuciante. No último seminario de verán da USC sobre medio rural debatéronse as distintas formas que existen hoxe en día de recuperar terras agrarias para a produción sen alterar a titularidade dos terreos. Hoxe coñecemos algunhas destas extratexias co membro do Laboratorio do Territorio da USC, Eduardo Corbelle.
08/07/2015 [00:10:00] [5.74 MB]
O impacto ambiental das fumigacións nas estradas
Na última década a fumigación das beiras das estradas, chegada a primavera, xa é unha práctica habitual que preocupa, e moito, aos grupos ecoloxistas e aos defensores da saúde ambiental e das persoas. Neste programa de Radio Cerna abordamos esta problemática ambiental e os impactos derivados da fumigación masiva de estradas, que en Galiza ten unha especial relevancia. Facémolo co biólogo Cosme Damián Romay Cousido.
06/07/2015 [00:10:00] [5.74 MB]
A historia da balea vasca en San Cibrao
O Museo do Mar de San Cibrao, dependente da rede museística da Deputación de Lugo, conserva a mellor colección de ósos desta especie xa extinguida. Neste espazo coñecemos a historia que envolve a balea vasca nos mares de Lugo, desde o século XIII, así como os vestixios que se conservan dese patrimonio nas instalacións do Museo do Mar.
03/07/2015 [00:10:00] [5.74 MB]
Boletín informativo ambiental 03/07/15
Neste espazo Cerna facemos repaso das novas ambientais máis destacadas acontecidas en Galiza na última semana. Escóitanos!
01/07/2015 [00:10:00] [5.75 MB]
O polémico plan de conservación da Praia das Catedrais
Hoxe entra en vigor o polémico plan de conservación da praia das Catedrais que tamén tratará de regular o acceso de visitas ao monumento natural. Desde Radio Cerna quixemos coñecer mellor que implica este plan e cales son os seus defectos e virtudes coas dúas partes protagonistas na polémica xerada arredor da súa aprobación: a Consellaría de medio ambiente e o concello de Ribadeo. Por motivos que nos son alleos, ninguén da consellaría de medio ambiente atendeu ás reiteradas chamadas que Radio Cerna fixo no último mes, mais si o fixo o alcalde de Ribadeo, Fernando Suárez, a quen escoitamos neste espazo.
29/06/2015 [00:10:00] [5.74 MB]
Capacidade de acollida nos espazos naturais protexidos
A capacidade de acollida de visitantes que teñen os espazos naturais protexidos convértese nun tema de actualidade con motivo da presión turística que están a sufrir enclaves naturais galegos como a Praia das Catedrais de Ribadeo. Neste espazo coñecemos a guía máis recente publicada no Estado español onde se determina o método e os aspectos a ter en conta para calcular a capacidade de acollida dos espazos naturais protexidos. Un dos seus autores explícanos que factores deben ter en conta neste cálculo os xestores públicos destes espazos.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal