Buscador
11/06/2014 [00:10:00] [5.73 MB]
Cousa de Raíces, campaña pola revalorización do bosque galego
Este domingo lanzouse a campaña "Cousa de Raíces" en defensa do bosque galego. Máis de 40 colectivos e entidades de diversos eidos (ecoloxista, empresarial, investigación, comunidades de montes, sindicatos, etc.) poñen a andar esta campaña que intentará aglutinar nun esforzo común o traballo de todos os colectivos do país que promovan e potencien as masas de árbores autóctonas. O obxectivo é deter a regresión das escasas masas de árbores autóctonas que quedan en Galiza, dar a coñecer a sociedade os motivos da necesidade de preservalas e facer ás galegas e galegos conscientes de todos os valores fundamentais e oportunidades que obstenta o noso bosque.
09/06/2014 [00:10:00] [5.74 MB]
Outra autoestrada de impacto: A-57 Vilaboa-Pontevedra
Un novo proxecto de autoestrada ameaza con impactar a comarca de Pontevedra, desde o punto de vista ambiental, patrimonial e social. A A-57, no seu treito Vilaboa-A Ermida, a pesar de só ter unha lonxitude de 7 quilómetros, está a crear un gran rexeitamento social polas agresións que supón para o territorio afectado. Neste espazo coñecemos as razóns de oposición a este proxecto manifestadas pola recentemente constituída plataforma "Salvemos A Fracha".
06/06/2014 [00:10:00] [5.74 MB]
Boletín informativo ambiental 06/06/14
Neste espazo repasamos as novas ambientais máis destacadas desta semana mundial do Medio ambiente. Compárteas con nós!
04/06/2014 [00:10:00] [5.75 MB]
O Tribunal Europeo senta xurisprudencia sobre obras públicas en Rede Natura
Unha sentenza do Tribunal de Luxemburgo senta xurisprudencia sobre como se debe interpretar a Directiva Hábitats con respecto á execución de obras ou infraestruturas que potencialmente afecten os valores ambientais de Rede Natura 2000. En concreto, dito fallo, denegou a construción dunha autoestrada en Holanda que atravesaba hábitats protexidos por non considerala unha obra de interese xeral de primeira orde. Analizamos a sentenza coa profesora en dereito ambiental, Alba Nogueira.
02/06/2014 [00:10:00] [5.74 MB]
Carballo, referente galego na compostaxe escolar
Máis de mil nenos e nesas do concello de Carballo aprenderán a compostar os residuos orgánicos producidos no eido escolar. Tres colexios deste municipio súmanse ao programa de compostaxe comunitaria de ADEGA que, co apoio do concello, pretende ensinar aos máis pequenos a aproveitar os residuos orgánicos como abono. Xosé Regueira, concelleiro de promoción económica en Carballo, explica neste espazo cales son as expectativas e as vantaxes deste programa educativo, que responde tamén a unha filosofía de cambio na xestión integral do lixo.
30/05/2014 [00:10:00] [5.74 MB]
Boletín informativo ambiental 30/05/14
Escoita o máis destacado na actualidade desta semana das novas acontecidas en Galiza relativas ao medio ambiente e á ecoloxía!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal