Buscador
17/12/2013 [00:10:00] [5.74 MB]
O cabalo garrano, candidato a Patrimonio Nacional en Portugal
A xestión do cabalo salvaxe en Portugal dista moito do modelo galego. Alí, o garrano está proposto como Patrimonio Nacional, é unha especie en risco de extinción e protexida e amparada pola Unión Europea. Ademais, o garrano está sendo demandado como símbolo identitario polo pobo portugués.
Neste espazo escoitaremos ao coordinador da candidatura do cabalo salvaxe portugués a Patrimonio Nacional.
16/12/2013 [00:10:00] [5.73 MB]
Xornada sobre o cabalo salvaxe galego
A través desta xornada, que terá lugar o vindeiro sábado, a Asociación Galega de Custodia do Territorio, pretende iniciar unha seria de foros sobre o cabalo salvaxe de Galiza que, en primeira instancia, se dedicará á súa funcionalidade biolóxica e ecolóxica e á súa xestión e manexo por parte dos besteiros. Será un primeiro encontro que intenta potenciar os valores ambientais e culturais do cabalo garrano, único no mundo.
13/12/2013 [00:10:00] [5.74 MB]
Boletín informativo ambiental 13/12/13
Escoita e coñece as novas acontecidas os últimos días no eido ambiental galego neste espazo Cerna!
12/12/2013 [00:10:00] [5.74 MB]
Ecoloxistas destapan 45 km de ríos excluídos do PXOM de Lugo
Tres organizacións ecoloxistas (ADEGA, Ríos con Vida e a Asociación Galega de Custodia do Territorio) veñen de facer público un estudo de recoñecemento e identificación de cursos fluviais non contemplados no plan urbanístico de Lugo. Polo de agora son algo máis de 45 quilómetros de río que desapareceran do documento oficial urbanístico, por tanto, estaban sen protección. Pero os colectivos promotores do estudo advirten de que esta é só unha pequena mostra dos centros de efluentes que quedan aínda por identificar e revivir.
11/12/2013 [00:10:00] [5.73 MB]
Xestión de envases agrarios. O sistema SIGFITO
Todo tipo de envases agrarios ou fitosanitarios estanse a xestionar en todo o Estado a través dun sistema integral sen ánimo de lucro chamado SIGFITO. Neste espazo de Radio CERNA coñecemos como funciona o sistema, cales son as obrigas da sociedade xestora, do agricultor, e que tratamento reciben os agroenvases.
10/12/2013 [00:10:00] [5.74 MB]
É viable unha planta de compostaxe na comarca de Pontevedra?
Carme da Silva, concelleira de medio ambiente en Pontevedra, dá conta do estudo de viabilidade dunha planta de compostaxe para a comarca pontevedresa. O proxecto xorde da necesidade de buscar unha alternativa máis sostible e barata na xestión do lixo urbano. A ponencia foi relatada no Foro europeo de residuos, organizado por ADEGA os días 22 e 23 de novembro.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal