Buscador
24/07/2013 [00:10:00] [5.74 MB]
Porto Cabral: monte comunal ou centro comercial
Esta é a disxuntiva á que se enfrontan os comuneiros e comuneiras da parroquia de Cabral de Vigo. "Porto Cabral" pretende ser o maior centro comercial de Galiza, nas proximidades de Vigo, cunha extensión de 500.000 m2 auspiciada pola empresa Eurofund de capital británico. Pero o monte no que se quere instalar é de man común polo que está sometido á lei que regula este tipo de xestións comunais. A lei prohíbe que o monte se poda vender ou dividir. Aquí aparece a controversia. A puxa por conservar o monte ou darlle un uso comercial está aberta.
23/07/2013 [00:10:00] [5.74 MB]
Proxecto Cernes: promoción e comercialización de produtos ecolóxicos
Nace como iniciativa do goberno galego e da Rexión Norte de Portugal, para promover en Galiza a produción e comercialización de produtos ecolóxicos, nomeadamente de froiteiras, catiñeiros e oliveiras. Agora atópase na súa fase final e imos coñecer como se desenvolveu.
22/07/2013 [00:10:00] [5.74 MB]
Á procura do ouro na Serra da Groba, dous mil anos despois
O Instituto de Estudos Miñoranos vén de solicitar a catalogación de 15 minas de ouro romanas na Serra da Groba. Paralelamente, unha empresa canadiana solicita a prospección e sondaxe da zona, o que podería supór un grave impacto sobre os vestixios romanos, ademais doutras alteracións na contorna.
19/07/2013 [00:10:00] [5.74 MB]
Boletín informativo ambiental 19/07/13
Como xa sabes, os venres repasamos a actualidade ambiental acontecida no país durante a última semana. Escoita o resumo que che ofrecemos.
18/07/2013 [00:10:00] [5.74 MB]
Colle unhas vacacións ecolóxicas!
Que son unhas vacacións ecolóxicas e como podes gozar dos teus días libres sen influír negativamente no medio natural,... isto é o que descubrirás neste espazo Cerna, con ADEGA.
17/07/2013 [00:10:00] [5.73 MB]
Oposición veciñal á liña de alta tensión de conexión con Portugal
A LAT (liña de alta tensión) prevista entre Galiza e Portugal, desde o alto de Fontefría, pasaría polos concellos de A Cañiza, Covelo, As Neves e Arbo. O concello de Arbo oponse taxantemente a este trazado e reclama un alternativo para evitar o impacto en bens patrimoniais e económicos, pero, sobre todo, para preservar a saúde dos seus veciños e veciñas.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal